TERCEIRA PROBA DO CIRCUITO SOUSAS OIRA PRAIA, SÉTIMA DO CIRCUITO GALEGO DE VOLEI PRAIA

O Campionato Galego Senior de Volei Praia abre o mes de agosto coa sétima proba do torneo en Ourense. A terceira edición do Circuito Sousas Oira Praia celébrase o vindeiro fin de semana do 4 e 5 de agosto para as categorías senior e Sub 21.

As novas instalacións do Complexo Deportivo de Oira serán de novo protagonistas ao reunir ás mellores parellas do volei praia autonómico pelexandopor subirse ao máis alto do podio e puntuar tanto para o ranking galego como para o nacional.

Competición

A competición será Senior e Sub 21, tanto masculina como feminina.

O torneo masculino xogarase o sábado e o feminina o domingo (en ambas xornadas durante todo o día). En caso necesario disputaráse unha fase previa o venres pola tarde.

Ademais os participantes terán a oportunidade de acampar, nun recinto destinado a tal fin ao carón das pistas.

PREMIOS

Repartirase o 60% do diñeiro recadado en cada categoría.

Os premios serán os seguintes:

SUB.21: agasallos dos patrocinadores

• 1 CLASIFICADO
• 2 CLASIFICADO
• 3 CLASIFICADO

SENIOR:

• Importe máximo de 450€/categoría.
• Importe mínimo de 200€/categoría.

Os importes totais irán en función do número de inscricións en cada unha das categorías. Abonaránse a través de transferencia bancaria.

Todas as parellas premiadas recibirán agasallos dos patrocinadores e os campións da categoría senior masculina e feminina serán invitados sen custo á seguinte proba do circuito.

Lembramos tamén que será necesario ter tramitada a pertinente licencia autonómica ou nacional, e ter as mesmas dadas de alta, xunto aos diferentes equipos e xogadores na plataforma que a FGVB dispón para tal fin.

Xa por último lembrar que os xogadores/as deberán participar debidamente uniformados, tal e como establece o Regulamento Técnico de Volei Praia da FGVb e da RFEVb e que a non comparecencia á proba unha vez inscrito e sen causa xustificada poderá ser sancionada polo Comité de Competición da FGVb.

A organización do torneo poderá excluir as parellas que non estean debidamente uniformadas da participación do mesmo, previo aviso.