Pavillon Ritmica EQUIPOS BENXAMÍNS CADETEDestacado Es noticia Gimnasia 

Dous ouros, unha prata e un bronce para as pavillonistas no galego de ximnasia

Remate de luxo para os clubs Escola Pavillón e do Club Ximnasia Pavillón

Campionato Galego de ximnasia de Promoción

O pasado sábado día 9 de xuño, no Pazo dos Deportes Paco Paz, a tempada autonómica de rítmica tocou fin co Galego de Promocion. Eran seis os conxuntos locais que participaban esta fase autonómica: dous do Escola Pavillón (alevín e benxamín) e catro do Club Ximnasia Pavillón (prebenxamín, benxamín, infantil e cadete). Ademáis os conxuntos prebenxamín e benxamín do Club Ximnasia Pavillón Ourense, por un lado, e os infantís do Escola Pavillón por outro, participaban con sendos exercicios  na competición de Ximnasia Xeral que tivo lugar na xornada de tarde.

Na xornada de mañán, o coxunto benxamín do Ximnasia Pavillón Ourense foi proclamado campión galego de promoción, xornada na que o cadete se fixo co bronce. Por súa parte o conxunto benxamín do Escola Pavillón situouse no quinto posto a escasas décimas do pódium,, con un exercicio moi ben executado.

Na xornada de tarde participaban os conxuntos prebenxamín e infantil do Ximnasia Pavillón e o alevín do Escola Pavillón. O prebenxamín logrou proclamarse subcampión con un excelente exercicio. Os conxuntos alevín e infantil situáronses nos postos séptimo e noveno en categorías de moi elevada participación, en ambos con exercicios de escasos erros.

Finalmente tamén foi o ouro de Ximnasia Xeral para o Club Ximnasia Pavillón coa recreación coreografiada do conto Brancaneves executado polos conxuntos prebenxamín e benxamín.

As adestradoras están moi satisfeitas do traballo destes seis conxuntos durante a presente tempada que ven a significar a súa línea ascendente dos últimos anos tanto no nivel autonómico como nacional.

A última cita para a rítmica ourensá nesta tempada terá lugar en Zaragoza no último fin de semana de xuño. En terras mañas, con dous equipos individuais e tres conxuntos que participarán na Copa de España, tratarán de non romper esta dinámica, aínda que conscientes da dificultade da competición.

Noticias relacionadas