S.D. A Valenzá: Inapelable victoria verde no Seixo alaricano

Campos da cidade deportiva Luis Cid Carriega en Allariz, agradable tarde de outono e un escaso cento de afeizoados nas bancadas para poder presenciar o encontro adiantado da sétima xornada ligueira nesta competición da Segunda Galega no seu grupo 9º.

Para dirixir o encontro, a delegación ourensá nominou a colexiada Vanesa Abadín Fernández, que pecou de excesiva meticulosidade en canto á cor da indumentaria dos nosos xogadores. Indumentaria sen trocos nos derradeiros seis anos nos enfrontamentos cos alaricanos, consistente en medias Verdes; Pantalón Verde e camiseta Negra. Pois ben, para a colexiada, estas cores daban lugar a confusión no sintético obrigando ós nosos xogadores a xogar con indumentaria prestada de cor vermella. Coidamos que é preciso conformar un criterio único en canto as indumentarias e a súa interpretación sesgada por parte de cada colexiado. A modo de exemplo, imos ensinarvos as vestimentas dos derradeiros enfrontamentos entre os dous clubes para que poidades comparar.

A trencilla cos capitans Visi e Fernando

A marxe deste incidente, nun encontro de guante blanco, en canto ó resultado final, tivo a necesidade de sinalar cartón amarelo para o adestrador Juan Carlos no bando locatario.

Os equipos formaron de inicio cos seguintes once titulares:

C.D. ALLARIZ B:

Dani, Ruben, Juan, Visi, Augusto, Sotelo Iván, Javi, López, Ado, Rivero

SUBSTITUCIÓNS:

minuto 48. Isma entra por Visi.
minuto 53: Corbi entra por Dani
minuto 57: Vladi por Ado.

minuto 58. Borja entra por Juán.

Anxo, Oliver, Ruanova, Guille, Manu, Fernando Jota, Carlos, Meixeira, Viola e Andrés

SUBSTITUCIÓNS:

minuto 62. Adrián e Victor sustitúen a Manu e Viola.

minuto 87. Borja substitúe a Oliver.

 

 

GOLES:

0-1. minuto 28: Centro de Ruanova cara o segundo pau da porta local e Guille entrando libre remata de testa á rede.

0-2. minuto 40: Viola marca ó resolver unha melé no área local.

0-3. minuto 71: Oliver realiza unha serie de regates e tras os rexeites de porteiro e defensas remacha ó fondo da rede.

0-4. minuto 80: Oliver entra polo centro do ataque sendo derribado dentro do área. O penalti transformao el mesmo enganando a Augusto.

0-5. minuto 87: Penetración de Ruanova pola sua banda dereita con pase a Victor que amarra un bo chut non blocado polo meta local e o rexeite rematao Oliver á parte dereita da porteiría local.

0-6. minuto 89: Carlos disputa co central alaricano e no bote do balón supera na saída o meta Augusto, encartando unha vaselina que chega ó fondo da rede.

Fíxose doado o encontro dende o primeiro momento. Entraron os nosos xogadores moi motivados e enchufados ó partido. Froito delo, as internadas de Carlos e Oli; as recuperacións de Viola e Jota e o inconmensurable traballo no medio campo de Manu, facían que o equipo alaricano mais que xogar despexase o perigo do borde da súa porteiría. A eficiencia no trato do balón inclinaba o campo dun xeito extraordinario para os hoxe «vermellos» obrigando a unha excesiva dureza nas entradas e marcas (11 faltas contra 4 nos primeiros 45 minutos); que supoñian un constante bombardeo de centros xogadas e remates do equipo visitante. Os datos 11 tiros a porteiría (9 entre os tres paus) para cumplir con un 0-2 tranquilizador no descanso da contenda.

Na segunda mitade, mais do mesmo, agardando a ver en que momento se voltaba a perforar a meta de Augusto e con escasa relevancia atacante para os xogadores locais (forzaron 3 saques de esquina e un solitario tiro a porteiría no segundo tempo) preocupados por tentar frear as acometidas constantes dos nosos Verdes.
Trocos no medio do campo con xogadores frescos como Adrián e Victor que amplificaron a diferencia de criterio co balón e que propiciaron co seu xogo a ras de chan que as oportunidades se multiplicaran e os goles engordaran o electrónico alaricano. Un «hat trick» de Oliver mais un premio a constancia e o esforzo dun bregador Carlos foron o culmen definitivo dun encontro moi ben xogado polos nosos xogadores e cun bagaxe de goles que poderán ser moi necesarios no «Goal Average» do fin da tempada.

Agora, a pensar no vindeiro encontro nos Carrís que será contra a ADF Molgas, recén ascendida pero con empaque e xogadores para disputar as primeiras posicións e que, de seguro, depararanos un bo partido.