UDO Femenino Victoria CF 03 Foto Nacho RegoDestacado Es noticia Futbol 

La U.D. Ourense no saldrá en la 1ª Autonómica femenina ante la falta de jugadoras y apoyos

Retirada do equipo feminino da U.D. Ourense da 1ª Autonómica

Texto: U.D. Ourense

Lamentamos comunicar a retirada do equipo feminino da 1ª Autonómica. O motivo é a falta de xogadoras para completar un equipo que poida competir no campionato de liga. A pouco máis de dúas semanas do inicio da competición tan só contábamos con 13 xogadoras, un número claramente insuficiente para facer fronte a un campionato tan esixente como a 1ª Autonómica.

UD ourense femenino 2018
Texto íntegro do comunicado da U.D. Ourense

Agradecerlle o seu traballo e implicación a Rubén (adestrador estas tres tempadas), Jaboco (segundo adestrador as dúas primeiras), Rafa (delegado as dúas primeiras tempadas), Adrián (preparador físico na pasada tempada) e Adolfo (delegado e masaxista na pasada tempada). Sobre todo destacar a labor e implicación de Rubén, que foi máis alá da labor propia dun adestrador, e sen o cal este proxecto non tería comezado.

Tamén agradecerlle o seu apoio aos patrocinadores do equipo estas tempadas: Lisardo Dorribo (patrocinador principal as dúas primeiras tempadas), Cervexaría Áncora, Cafetería J&J, Pub Symbol e TAR (patrocinador principal a pasada tempada).

E por suposto, darlle as grazas as xogadoras que durante estas tempadas defenderon e levaron con gran dignidade o nome da Unión Deportiva Ourense e de Ourense por toda Galicia. Desexámoslle a todas elas o mellor deportiva e persoalmente.

E, por último, lamentar a falta doutros moitos apoios necesarios para levar adiante un proxecto desta magnitude dun xeito máis solvente. Lamentar a nula axuda do Concello de Ourense para co equipo feminino, a pesares de ser o único equipo feminino do concello, e tamén a da Asociación de Empresarias e Profesionales da Provincia de Ourense (AME), dúas institucións das que só recibimos boas palabras.

Noticias relacionadas

Escribe tu comentario

Este sitio usa Akismet para reducir el spam. Aprende cómo se procesan los datos de tus comentarios.