Mario Guede Concello de Ourense DeportesActividades Destacado Es noticia Futbol Gimnasia 

La reforma de las instalaciones de Vilar de Astrés y Campo da Feira más cerca de completarse

Continúan as obras de mellora do campo de fútbol de Vilar de Astrés e do polideportivo do Campo da Feira que está a executar o Consello Municipal de Deportes

  • A cidade incorporará así un novo campo de céspede artificial de última xeración en Vilar de Astrés, que compre cos máximos requirimentos de homologación que marca a FIFA e supón un investimento de 455.463,36€
  • Unha nova cuberta con paneis de alta capacidade illante garantirá a temperatura idónea no interior do pavillón deportivo do Campo da Feira, cun investimento de 91.394,93€
  • Os proxectos suman un investimento de máis de medio millón de euros que sufraga integramente o Consello Municipal de Deportes e que foron aprobados por unanimidade no Consello Reitor deste órgano municipal.

O concelleiro de Deportes, Mario Guede, xunto a persoal e membros do Consello Reitor do Consello Municipal de Deportes visitaron esta mañá e dous importantes proxectos de remodelación e mellora de infraestruturas deportivas, que suporán un investimento de máis de medio millón de euros. Trátase, por unha banda, das obras de execución de bancadas, vestiarios e céspede sintético no campo de fútbol de Vilar de Astrés, e as da substitución da cuberta do polideportivo municipal do Campo da Feira. Ambas adxudicacións foron apoiadas por unanimidade de todos os concelleiros que constitúen o Consello Reitor, e adxudicadas as obras o pasado 18 de outubro.

Mario Guede Concello de Ourense Deportes

As obras do “Campo de fútbol de céspede artificial, acondicionamento de vestiarios, e construción de bancadas en Vilar de Astrés” están sendo executadas pola empresa Extraco Construcións e Proxectos, S.A, á que se lle adxudicaron por un importe de 455.463,36€, cunha garantía do equipamento de catro anos.

Esta demandada obra abrangue a instalación de céspede artificial no campo de fútbol e humanización da parcela. Previa recepción da obra, un laboratorio externo probará que as condicións do terreo de xogo cumpren os máximos requirimentos de homologación marcados pola FIFA.

Xunto a este terreo de xogo de última xeración e a humanización de toda a parcela, efectuarase un grada cuberta nunha das bandas de catro andares e acondicionaranse novos vestiarios, que permitirán o uso cotiá e de competición destes espazos.

O potencial de uso destas instalacións é enorme dada a proximidade ao núcleo da cidade, xunto coa presenza de liñas de transporte urbano, polo que se agarda que sexa un revulsivo deste núcleo rural.

Campo da Feira

En canto á obra no polideportivo do Campo da Feira, adxudicóuselle á empresa Sergonsa Servicios S.L. por un importe de 91.394,93€. Esta obra consiste na substitución da cuberta actual do polideportivo de chapa duns 2 milímetros -co que seu poder illante é nulo- por paneis estilo sandwich, de 5 centímetros de grosor, con alta capacidade illante que permita manter máis estable a temperatura interior do pavillón tanto en inverno coma no verán.

Mario Guede Concello de Ourense Deportes

Pese ás inclemencias meteorolóxicas, os traballos continúan para poder contar canto antes con ambas instalacións deportivas en perfecto estado para o seu uso e desfrute dos deportistas da cidade.

Mario Guede Concello de Ourense Deportes

Noticias relacionadas

Escribe tu comentario

Este sitio usa Akismet para reducir el spam. Aprende cómo se procesan los datos de tus comentarios.