Pabellon CF Juvenil Foto Nacho RegoDestacado Es noticia Futbol 

Tres puntos de oro para Pabellón Juvenil ante Santa Mariña

Un gol de Raúl na segunda parte deulle un triunfo de vital importancia ao Xuvenil “A” contra un rocoso Santa Mariña

Pabellón CF 1 – 0 Santa Mariña

O Pabellón CF da Liga Nacional Xuvenil sumou tres puntos de ouro ao superar no campo de Os Remedios a un Santa Mariña que foi de máis a menos no partido. O gol de Raúl aos dez minutos da segunda parte acabaría decidindo un partido no que os visitantes controlaron na primeira parte. Nese periodo o Santa Mariña presionou moito e ben e dispuxo dunha acción clara nun disparo de Diego que petou na parte superior do travesaño.

Os branquiverdes estiveron moitos minutos deste primeiro acto incómodos no campo ante a presión que exercía o rival, situación que menguaría no tramo final no que chegaría unha excelente ocasión para Raúl cun disparo que rexeitaría o meta rival. Antes, Ismael gozara doutra oportunidade nun servicio ao punto de penalti despois de que Raúl roubase un balón na liña de fondo, pero o disparo coa perna “mala” daquel foise fóra. Sen goles marcharíanse ambos conxuntos ao descanso.

Pabellon CF Juvenil Foto Nacho Rego

Na renudación as cousas cambiaron bastante. O paso por vestiarios sentoulle ben ao Pabellón, que paso a facerse co control do partido e a levar perigo á meta rival. Carlos Villar avisaría nos primeiros compases cun chut que se foi fóra rozando o pao. Instantes máis tarde o xogador carballiñés filtrou un pase entre liñas aos pés de Raúl, que en carreira colocaría o balón ao fondo da rese na saída do porteiro visitante.

Co marcador a favor o equipo gañou máis confianza e seguiron chegando ocasións pero o gol da tranqulidade non chegaría. Pola súa parte o Santa Mariña apenas conseguía levar perigo ao área local polo gran traballo defensivo do equipo. As situacións máis complicadas chegarían sempre a balón parado pero os branquiverdes non deron opción. Ao final tres puntos de moita importancia.

O próximo domingo o equipo visita ao Compostela para xogar o partido aprazado da xornada 25ª. Os pabellonistas suman 33 puntos.

Noticias relacionadas

Escribe tu comentario

Este sitio usa Akismet para reducir el spam. Conoce cómo se procesan los datos de tus comentarios.