Xadrez Ourense vence a Círculo das Artes na División de Honra

Os Ourensáns recuperan posicións na máxima categoría tras vencer en Lugo por 2 – 4

O Xadrez Ourense "C"  venceu ao histórico "Ajedrez Marcote"
O Xadrez Ourense “C” venceu ao histórico “Ajedrez Marcote”

2ª Xornada da Liga Galega de Clubs 2015

División de Honra

Na División de Honra O representante ourensán, Xadrez Ourense “A”, acadou unha nova victoria, o sábado día 24 de Xaneiro en terras lucenses, tras superar ao Círculo das Artes por 2 – 4. As victorias parciais de Adrián Gómez, Antonio Díaz e Carlos Novais, xunto cos empates de Jorge Viterbo e Fernando Sánchez, fixeron posible que os Ourensáns sigan recuperando posicións na máxima categoría e situándose xa entre os primeiros clasificados da División de Honra despois de tres xornadas disputadas. Na vindeira xornada o Xadrez Ourense “A” recibirá ao actual líder, o Círculo Ferrolano que ven de derrotar por un contundente 6 – 0 ao “Kárpov” de Pontevedra.

Primeira división

Na Primeira División, os equipos ourensáns correron sorte dispar, destacando as victorias a domicilio do Universitario de Ourense ante o Alekhine de Vigo por un contundente 0-4, mentres que o Xadrez Ourense “C” vencía en terras de Mondariz ante o Marcote por 1-3. Pola súa parte no derbi local o Liceo Recreo e o Casa da Xuventude empataban 2-2. Peor sorte corrían o Ateneo de Ourense e o Xadrez Ourense “B” que perdían respectivamente ante Peña Recreativa por 0.5 – 3.5 e ante o Xadrez Bueu por un rotundo 4-0.

Segunda división

Na Segunda División autonómica hai que salientar a positiva xornada, en liñas xerais, para os conxuntos ourensáns. Cabe salientar as victorias a domicilio do Universitario de Ourense “B” en Nigrán por 1.5 a 2.5, a do Xadrez Bande en terras do Deza ante o Lalín “B” por 1-3, e a do Xadrez Celanova en Chantada ante o Circulo “B” por un axustado 1.5 – 2.5 Celanova. Pola súa parte o xoven conxunto do Xadrez Ourense “D” lograba impoñerse pola mínima (1.5 a 2.5) en Salceda de Caselas ante o Altamira por 1.5 – 2.5. Pola súa banda o Deportivo Universitario de Vigo derrotaba 3-1 ao Xadrez Loureiro de Ourense.

Terceira división

Na Terceira división tiveron lugar, entre outros encontros, dous emocionantes derbis provinciais, O Casa da Xuventude “B” vencía ao Benchoshey Sénior por un apretado 2.5 – 1.5, mentres que en terras de Pereiro de Aguiar o encontro entre os xóvenes conxuntos do Benchoshey Kaspárov e o Xadrez Ourense “E” saldábase coa victoria dos visitantes por 0.5 a 3.5.

Noticias relacionadas