Destacado Es noticia Rugby 

A selección española de Rugby sub-20 prepara en Ourense o Campionato de Europa

Disputará un partido amigable o vindeiro domingo 25 no Campus de Ourense

Rugby: España – Portugal Sub20

A selección española de Rugby Sub-20 masculina, que estes días prepara o Campionato de Europa en Ourense, enfrontarase este domingo 25 -ás 11:00 horas no Campus de Ourense- a Portugal nun partido amigable que servirá para medir as forzas coas que ambos equipos chegan á cita europea. Esta mañá presentouse o partido no salón de plenos do Concello de Ourense, un evento que pretende congregar a propios e alleos a este deporte, e que será de portas abertas nas instalacións do Campus de Ourense.

España vs Portugal sub20

“Para Ourense é moi importante exercer de anfitrión para conxuntos deportivos de primeiro nivel”, salientaba na presentación o alcalde de Ourense, Jesús Vázquez, “porque significa que temos as condicións necesarias para facelo”. Non en van, lembraba, xa hai pechado un calendario deportivo cunha ducia de probas nacionais na cidade de Ourense.

A cidade de Ourense, que presume de 30 anos de amor por este deporte, tamén pode facelo dun equipo que xoga na Primeira División B, o Campus Ourense. Pero tamén cunha canteira feminina de primeira orde. É por iso que o delegado da selección sub-20, Sergio Gericó, manifestaba que “non estamos coma na casa, estamos en casa”.

A selección española está composta por 30 deportistas de equipos españois, galeses, italianos e franceses. Actualmente adestran nas instalacións deportivas de Monterrei e no Campus de Ourense coa vista posta na cita europea de Portugal. A selección anfitrioa é a actual campioa de Europa da categoría e unha boa proba para o conxunto español: “Na última final gañáronnos por moi pouco”, lembraba Sergio Gericó.

Rugby: España / Portugal Sub20

Noticias relacionadas