Ribadavia prepárase para acoller o IV Aberto “Festa da Istoria” de xadrez
IV Aberto “Festa da Istoria” en Ribadavia, (Sábado 12 de Outubro)
A antiga igrexa da Madalena, no corazón do antigo barrio xudeo de Ribadavia, acollerá a cuarta edición deste xa clásico aberto de partidas rápidas.
O torneo será organizado pola Coordinadora da Festa da Istoria de Ribadavia e baixo a dirección técnica do Club Deportivo Xadrez Ourense. O evento contará con importantes premios para as categorías Senior, Xuvenil e Infantil. Ademais ofreceranse agasallos para todos os participantes.
O prazo de inscrición mantense aberto ata o próximo venres día 11 ás 15.00 horas.
