Jabatas buscarán o título da Liga Galega de Roller Derby este sábado en Os Remedios
Final da Liga Galega de Roller Derby
Despois de ter sido aprazada o pasado mes de abril a final da Liga Galega de Roller Derby polas inadecuadas condicións da pista do pavillón de Oira, será de novo a cidade de Ourense o lugar elixido para decidir quen acadará o título de campión galego.
O partido enfrontará Sereas Bravas Roller Derby Vigo e Jabatas de Ourense este sábado 13 de xullo na pista central do pavillón municipal dos Remedios a partir das 19:00 horas, sendo o acceso ás gradas de balde.
Unha magnífica oportunidade para coñecer unha novidosa modalidade que pouco a pouco se vai abrindo oco na patinaxe.
