Artes Marciales Destacado Es noticia 

V Campionato de Haidong Gumdo (Espada Coreana) en Os Remedios

V Campionato de Haidong Gumdo

O Haidong Gumdo, arte marcial coreano da espada, foi introducido no ano 2000 en Europa, sendo o seu fundador en España e un dos pioneiros da súa difusión europea o Gran Mestre Lee Dong Kyu de Ourense.

Este ano, con motivo dos 18 anos dende a súa fundación no noso país, celebrarase o V Campionato de España de Haidong Gumdo na cidade do seu fundador. Nestes 18 anos de difusión o Haidong Gumdo español ten colleitado numerosos éxitos en campionatos internacionais, contando con varios campións do mundo e europeos, que participarán neste campionato.

O campeonato desenvolverase o próximo 24 de novembro entre as 12 e 20 hs no pavillón dos Remedios de Ourense. Participarán en total máis de 100 persoas, contando delegados territoriais, árbitros e 90 competidores procedentes de toda España, desplazándose para a ocasión principalmente dende Asturias, Andalucía, Cataluña, Illas Baleares, Valencia, etc.

As disciplinas nas que se compiten son: pola mañá, corte de papel e apagado de velas; e pola tarde: combate libre, combate preparado, táboas de formas individual e en grupo, e corte de bambú, sendo as máis espectaculares estas últimas.

Noticias relacionadas